Það fór ekki of vel í síðasta leik Strákanna í Snæfell en það er ekkert til að skammast sín fyrir að detta út á móti sterku liði Kr-inga. En það er samt leiðinlegt, það verður ekki þrætt fyrir það. En áhorfendur geta ekki kvartað yfir leiknum sjálfum, þarna fékk fólk allt fyrir peninginn. Skemmtilegur leikur og það er vart hægt að biðja um betri úrslitaleik. Þvílík spenna og rosaleg stemming í húsinu. Ég hef aldrei farið aá jafn skemmtilegan leik í KR-heimilinu áður þrátt fyrir að úrslitin hafi lent vitlausu megin  Það hafa líklega aldrei verið jafn margir KRingar á leik og aldrei hafa þeir verið jafn duglegir að hvetja sitt lið með söngvum og klappi. Það var virkilega gaman en þó líka ótrúlega erfitt að vera áhorfandi á þessum leik. En allavega til hamingju með árangurinn í vetur Snæfell.

VIð erum þó ekki enn hættar. Okkar síðasti leikur verður 16.april á móti FJölnisstelpum. Í fyrri umferð vorum við eina liðið sem hafði sigur af því liði. VIð ætlum okkur að sjálfsögðu ekkert nema annan sigur og enda mótið með stæl. Leikurinn verður í Grafarvogi og á mánudegi þannig að við búumst nú ekkert séstaklega við því að fólk geri sér ferð á leik... hahah en það væri auðvitað ekki leiðinlegt þar sem þetta er síðasti leikurinn okkar á okkar fyrsta tímabili sem meistaraflokkur kvenna í 2.deild. Þetta er búið að vera frábær vetur og gaman að sjá hvernig áhorfendum fjölgar með hverjum leiknum hér heima og þökkum við að sjálfsögðu fyrir stuðninginn.

En jæja Sunna Guðný Högnadóttir!!!!  ég er enn að bíða eftir innslagi frá þér á þessa síður, það fer nú að verða síðasti séns fyrir þetta tímabil!! þú kannski kemur þá með svona annál fyrir árið.... ekki væri það nú leiðinlegt, með myndum og öllu tilheyrandi.


En ég kveð í bili
Erna Rut